02/12/2025
نشست امنیتی هرات؛ شکریه بارکزی: طالبان از هیچ قوم و تباری در افغانستان نماینده‌گی نمی‌کنند
افغانستان

نشست امنیتی هرات؛ شکریه بارکزی: طالبان از هیچ قوم و تباری در افغانستان نماینده‌گی نمی‌کنند

نوامبر 29, 2023

شکریه بارکزی، سفیر پیشین افغانستان در ناروی، در یازدهمین نشست امنیتی هرات در دوشنبه تاجیکستان گفت که طالبان از هیچ قوم و تباری در افغانستان نماینده‌گی نمی‌کنند.

او روز دوشنبه، ۶ قوس در نخستین روز نشست امنیتی هرات، گفت که کشورهای جهان با نادیده گرفتن مردم افغانستان، جایگاه‌شان را در برابر مردم خود نیز از دست خواهند داد.

به گفته خانم بارکزی، آن‌چه امروز مردم افغانستان تجربه می‌کنند، نتیجه تصمیم‌گیری‌های نادرست کشورهای مختلف در قبال افغانستان است.

از سویی هم محسن داور، یک عضو پیشین مجلس نماینده‌گان پاکستان در سخنانی در این نشست گفت که طالبان با زور تفنگ به قدرت آمده‌اند و باید با زور تفنگ بیرون رانده شوند.

به گفته او، پاکستان در جست‌وجوی عمق استراتژیک خود در افغانستان می‌باشد و به همین منظور گروه طالبان را قدرت‌مند کرده است.

یازدهمین دور نشست امنیتی هرات زیر عنوان «بازخوانی افغانستان؛ راه‌کارهای متفاوت» با حضور شماری از سیاسیون و مقام‌های پیشین حکومت و روزنامه‌نگاران و فعالان برای دو روز در شهر دوشنبه تاجیکستان برگزار شده است.

Leave a Reply

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *