ولادیمیر پوتین، رییس جمهور روسیه قتل یک کودک ۱۰ ساله تاجیک در داخل مکتبی در مسکو را «عمل تروریستی» خواند و به امامعلی رحمان، رییس جمهور تاجیکستان تسلیت گفت.
پوتین روز دوشنبه، اول جدی/۲۲ دسامبر در سنپترزبورگ با امامعلی رحمان دیدار کرد.
امامعلی رحمان کشته شدن یک کودک تاجیک در داخل مکتب دولتی در مسکو را «غیرمنتظره» خوانده است.
نشریه مسکو تایمز در گزارشی نوشت که پوتین مرگ قابیل جان علیاف را به خانوادهی او و رییس جمهور تاجیکستان «تسلیت» گفته است.
رییس جمهور روسیه به امامعلی رحمان تعهد داده است که تحقیقات در مورد این حادثه تا کشف حقیقت ادامه مییابد و بازرسان روسی جزئیات را با دولت تاجیکستان در میان خواهد گذاشت.
سهشنبه گذشته یک دانشآموز ۱۰ ساله تاجیکستانی به نام قابیلجان علیاف در مکتب اوسپتنسکایا در منطقه گورکی-۲ در جنوب مسکو با ضربات چاقو به قتل رسید. مادر این کودک در همان مکتب به عنوان کارگر خدماتی مشغول است.
پیکر قابیل جان دو روز بعد به تاجیکستان منتقل و در دوشنبه به خاک سپرده شد.
گفته میشود قاتل یک دانشآموز ۱۵ ساله اهل روسیه است که بازرسان پولیس از تلفن همراه او دادههای مربوط به نئونازیسم و ملیگرایان افراطی پیدا کردهاند.
وزارت خارجه تاجیکستان در واکنش به این رویداد، سفیر روسیه در دوشنبه را احضار کرد و خواستار کشف حقیقت قتل قابیل جان و تامین امنیت تاجیکان در مسکو شد.
